O MATRIMONIO ENTRE PERSOAS DO MESMO SEXO E A PRENSA

Moléstame enormemente que, expresadas as opinións dun grupo de “expertos” sobre o asunto, os medios de comunicación dean prioridade ás posturas máis reaccionarias, intereseiras e anticientíficas aínda que sexa para botar abaixo a pose centrista e progresista do PP. Moléstame porque non podo evitar, sentíndome tan a favor da equiparación de dereitos de todos os individuos como á marxe de que cadaquén foda con quen lle apetecer, que o que máis resoe na miña cabeza sexa que hai “expertos” que opinan que os contornos familiares formados por persoas do mesmo sexo son focos de perversión.
Por certo, grande fortuna a da nena de Ferrol, tiña pai e nai!

4 comentarios

[Anónimo - 30 de junio de 2005 - 21:43]

[Táti - 22 de junio de 2005 - 09:58]

Concordo totalmente. Ademais, como dixo onte o experto convocado polo Grupo Mixto, se non se fan estas consultas en casos de divorcio ou familias adoptivas monoparentais, caso este último en que non se pregunta pola orientación sexual do futuro pai ou nai, por que no caso das parellas homosexuais?

[Martin Pawley - 22 de junio de 2005 - 03:47]

Estes "expertos" que din que os homosexuais son fillos de alcohólicos ou que "poden curarse" lémbranme a aqueles americanos que alá polos oitenta intentaron demostrar estatisticamente que os negros eran menos intelixentes que os brancos...

A intolerancia é perversa de seu, pero intentar maquillala cun falso verniz de (estúpido) método científico paréceme algo dobremente perverso.

[Pedro - 21 de junio de 2005 - 18:42]

É mui interessante o que dis, e é compreensível a tua incomodidade pola simpleza interesseira com que estes temas se tratam habitualmente.